獲封「鑽石型男冧女王」的黃宗澤（Bosco）昨日與陳嘉桓（Rose）出席活動，大晒3吋事業線的Rose，「拋胸」接過Bosco的利是，嚇得對方立即擰歪面！Bosco表示二人戲外沒有火花，而Rose則指要為對方介紹獨立聰明女。

面對陳嘉桓突如其來的「峰」暴，彎腰派利是的Bosco合埋眼，不敢正視。

陳嘉桓與Bosco在台上寫大字，你睇佢哋幾認真！

黃宗澤和陳嘉桓昨日出席「馬藝遊園」揭幕禮，期間大會安排二人寫大字，穿上桃紅色Tube Dress的Rose，「拋胸」大晒3吋事業線，而Bosco則彎腰向她遞上利是，豈料Rose同樣鞠躬兼雙手接過，面對突如其來的「峰」暴，Bosco即嚇得擰歪面，十分尷尬！記者取笑他「有乜未見過」，他說：「唔係，係唔應該望！」談到Rose在新片《男人唔可以窮》中身材豐滿，他說：「嗰日開工，除咗導演要求我望，我都唔敢望佢。」

拍戲有火花

對於獲大會封為「鑽石型男冧女王」，Bosco笑說：「多謝大家畀面，係新聞稿打錯。（冧女叻？）真係冇呀！（但你煮嘢勁？）煮食係一個條件啫，唔係攞嚟冧女嘅！」提到新年願望，榮升蠔吧老闆的他說：「希望舖頭生意興隆，多啲工作同多啲戲拍。（桃花？）你哋有冇好介紹？我要獨立啲、聰明啲，唔要湊女！」說畢Rose即笑說：「我一定唔啱你，等我幫你搵。（你要人湊？）啲人誤會我仲係細路女！」

而Bosco則笑對方似細路：「拍戲等埋位時，佢突然話：『你都空置咗一段時間！』呢個新名詞都幾得意，我都問佢有冇好介紹。（兩個冇火花？）我哋演戲有火花。」