薛凱琪（Fiona）昨日出席新碟簽唱會，收到不少歌迷禮物，其中一個載滿錢的錢罌更令她感動得淚如雨下，她說：「因為我幫緊個狗場籌款，感激歌迷自發性去籌款。」事隔七年再開簽唱會的Fiona，對新碟成績感滿意，並說：「首批五千張已經賣晒，有即刻叫公司加印，自己都想搞簽唱會慶祝吓，不過都要感激公司放好多資源落呢隻碟度。」

獲坐輪椅的歌迷專程捧場，加上歌迷的善心，令薛凱琪感動落淚。

薛凱琪唱到跌咪牌，要工作人員拾回。

農曆新年將至，問Fiona會否到緋聞男友房祖名家拜年？她自爆屆時會在台灣拍戲，只有兩、三日在港：「要陪父母。」她又表示有聽聞盛傳黃柏高將簽鄧麗欣一事：「每間公司要有唔同類型藝人。（你係一姐所以唔怕分薄資源？）千祈唔好叫我阿姐，叫凱琪啦！」