回復單身的陳法拉昨日出席活動時獲批馬年將有「停不了的愛」，但法拉事業心重，決定將之統統拒諸門外，反而期待返內地拍劇賺人仔。

被批馬年有「停不了的愛」，法拉笑不攏嘴。

安志杰（左起）與兩位前華姐法拉及倪晨曦出席活動，有美相伴。

「汗水人」安志杰與靚女同場，緊張到滿頭大汗。

陳法拉與影星安志杰（Andy）及模特兒松岡李那等昨日出席商場活動，期間獲命相大師贈言，法拉被指馬年將有停不了的愛、情及緣分，同樣回復單身的Andy則被勸不必心急緣分。

對於贈言，法拉笑指的確收到愛情片的劇本，但現實生活上暫時以事業為重，感情事不多想，問到是否有追求者也一樣？她說：「唔諗啦！之後會多啲返內地拍戲，電視、電影都有，賺人仔。（係咪鍾珍幫你接工作？）佢幫我睇住工作，但唔排除同其他公司傾。（曾志偉話有興趣簽你？）佢成日唔得閒，成日想約都未見到，佢同鍾珍都好朋友，而TVB暫時未有人接觸過我。」

談到本周舉行的邵逸夫追思會，法拉表示定必度期出席：「冇佢冇我哋，以前選美同每年活動都坐隔籬傾偈、食飯，佢眼光獨到，對人好豁達，值得後輩學習。」新春將放假返美國的法拉透露，當地只有零下14℃，屋外水管也難抵嚴寒爆裂，父親要每日忙於將水管的水抽出，慎防結冰。

祝福舊愛有拖拍

至於汗水流不停的Andy，即場標汗並笑指因面對同場靚女大感緊張，又表示不急於拍拖，會把心思放於工作上，又預告今年有五、六部電影上映，問他是否與謝婷婷甩拖後工作大增？他笑說：「係呀！拍拖時要陪女友。（有冇恭喜婷婷拍拖？）有恭喜，依家佢有男友唔可以阻住，冇聯絡，佢Happy我就Happy！」對於舊愛有着落，Andy坦言沒有呷醋，並說：「冇呷醋，之前首映有叫佢嚟，但最後冇，但拉姑、四哥喺度，記者就一窩蜂影佢哋，如果婷婷嚟就唔使睇戲啦！」