高海寧出席活動時透露參選港姐時情緒不穩，只懂暴食發洩，更試過將零食收在衣櫃匿埋食，後來做運動減壓時遇上一班師奶朋友安慰，才重新振作。

高海寧晒修長美腿，相信現在已沒暴食發洩情緒。

高海寧舉V與小朋友合照，童心未泯。

高海寧（高Ling）昨日出席慈善活動，為「心晴行動」籌款，穿上連身短裙的她，盡騷修長美腿，又透露參選港姐時面對種種負面報道，情緒變得低落，由於沒有渠道發洩，只好透過暴食作心靈安慰，認真慘情！

問到是否吃得很瘋狂，她說：「試過好唔開心，就匿埋屋企唔想見人，只係不停咁食，煮兩個即食麵撈埋腐乳同白飯，咁都食得落，後來答應屋企人唔再係咁，但另方面就收埋啲零食喺衣櫃，跟住又匿埋食囉！」心想長此落去不是辦法，於是高Ling嘗試做Gym，期間認識了一班師奶朋友，於眾人安慰下情緒漸漸平復：「佢哋叫我唔好理啲新聞，諗通之後我先可以重新振作。」

而身為「心晴行動」創辦人兼患過情緒病的林建明，則出席《情緒病：反歧視．反標籤》海報設計比賽頒獎禮，對於藍潔瑛行蹤成謎，林建明坦言尚未找到她：「電話冇人接，不過唔擔心，我好了解佢嘅情況，佢有屋企人支持，大家唔好標籤佢有咩特別問題，畀啲空間佢啦！」

追問六叔傳聞

談到邵逸夫（六叔）逝世，林建明透露曾効力無綫，並得過10年服務金牌，該金牌至今仍不捨得熔掉。她大讚六叔為人友善，不時邀請他們一起吃飯：「我有近距離接觸過，亦有追問佢傳聞，問佢係咪食燕窩保健，六叔就話只係滑腸，冇咩特別。下星期會有追思會，我會睇時間得唔得，其實有心最緊要。」