馬浚偉（Steven）及王君馨等昨日錄影無綫新春節目《家家行運菜》，前者身形明顯比之前粗壯，他透露近月忙於健身改形象，但過程卻十分辛苦：「呢10日開始戒油，食物全部白烚，我變咗冇味人！」他又笑言出生後未試過擁有強勁腹肌，操Fit是由於將接拍的電影會有裸露鏡頭。問到完成拍攝後會否回復正常，他笑說：「咁又唔會，雖然做唔到張家輝，但都會Keep住！」他又坦言正積極計劃做導演，下半年在港開拍溫情電影，而農曆新年將遠赴加拿大登台搵真銀。

馬浚偉為拍裸露戲而積極操肌，又真係大隻咗喎！

王君馨作狀想打吳業坤，坤哥你係咪激嬲佢呀？

王君馨則表示一周前才接獲通知擔任該節目主持，由於錄影工作緊密，使她冷落了專程來港相陪的男友，令男友頗有微言：「我惟有介紹晒身邊啲男性朋友畀佢識，等佢有人陪！」談到新年願望，她希望改善唱功，稍後更會請假進修。