組合MVG成員周曉彤（Ivy）早前與好友到泰國旅行，雖然只得五日四夜，但骨精Ivy幾乎晚晚揼骨，更踢爆男性好友遭女按摩師摸「何B仔」，她哈哈大笑：「我哋分開揼，佢之後同我哋講話個按摩師摸完佢『細佬』就問佢要唔要其他服務，令佢好唔開心。」Ivy表示此行目的是陪好友到四面佛還神，問到是否信徒？Ivy說：「依家我係基督徒，我係陪朋友去還神。」

Ivy與大型Bear Bear合照，十分興奮。

Ivy早前到泰國旅行，不忘吃喝玩樂。

Ivy（右二）與友人齊齊按腳，享受一番。

Ivy購物期間遇見「外星人」？立即晒V拍照留念。

由於五日行程也落雨，Ivy大呼冇癮：「係咁落雨，惟有行商場啦！點知畀我見到一間Bear Bear店，仲有得親自整Bear Bear添！」問到有否歎好味泰菜？Ivy說：「冇呀！自己唔係好識路，見到乾淨嘅就入去食，不過唔係咁好味，反而最後一日去食印度餐就好好味。」