金剛禁女友拍床戲

金剛早前帶同飲品漏夜到片場，探女友陳蕊蕊班。他指女友正客串新片《奇緣灰姑娘》，自己則「未夠班」教演技：「佢有自己Style，有唔明佢會問，但暫時佢未問。（呻辛苦？）唔辛苦，佢做得呢行都預咗。」金剛又坦言介意女友拍親熱戲，希望對方盡量別太Over，問到對女友的底線？他說：「床戲就唔好啦！攬頭攬頸都OK，捲埋一舊就唔得。（拍吻戲？）我要睇靚唔靚仔，如果係梁朝偉就冇問題。（靚仔反而OK？）做嘢唔可以揀擇，對新人嚟講唔好，都係睇尺度啦！」視蕊蕊為結婚對象的金剛，又稱女友農曆新年已請假共赴台灣「見家長」，但他強調帶女友見父母在台灣很正常。