馬德鐘前晚出席活動時坦言內地發展機會多，會主力北上掘金：「我喺杭州做活動，都有人搵我傾做舞台劇。」又稱無綫曾與他洽談簽親生仔藝員約：「之前有傾過，但下一步先諗，我仲有一部部頭約。」同場的As One終四個女仔齊現身，早前因做手術而離隊半年的Oli稱已康復：「公司畀好多時間我休養，依家可以跳舞。」而無綫勁歌頒獎禮今年改賽制令As One冇份入圍新人獎，成員Elfa說：「好唔開心，好似呢半年嘅努力冇渠道去肯定。（叫Paco反映？）睇公司安排，喺其他頒獎禮有得拎獎都開心。」

馬德鐘主力北上發展，未知太太會否相伴？