陳靜前緋聞男友李雨陽最近傳出婚訊，無名指戴有婚戒兼升呢做老闆的他否認閃婚，解釋一切只是美麗的誤會。

李雨陽無名指上戴有戒指，令不少女生望而卻步。

陳靜曾與Eddie傳緋聞，令宅男夢碎。

Eddie欲專心創業，不怕因而錯過大好姻緣。

Eddie與陳靜早年被拍得結伴慶祝萬聖節，因而傳出緋聞。

李雨陽熱愛演戲，早前便替公司拍了兩部劇集。

李雨陽（Eddie）早年與宅男女神陳靜傳緋聞，雖然戀情已告一段落，圈中最近卻盛傳他秘婚。日前接受本報訪問時，其無名指確實戴有戒指，但他否認婚訊：「其實隻戒指係拍戲道具，之前拍戲唔記得除，劇組話送畀我，所以一直戴住咋！」他又表示目前單身，並笑言這隻戒指可讓他避開桃花，令最近升呢做生意的他可專心發展事業。

兼顧拍劇冇難度

問到會否擔心錯過美好姻緣？他說：「有啲女仔見我戴住戒指，真係唔會搵我，但都冇辦法。依家生意啱啱起步，想將感情事放埋一邊先，何況我覺得如果真係有姻緣嘅話，就算唔喺呢刻發生，將來始終都會有。」

提到其飲食生意，Eddie透露與多名內地商人合作推廣「雞有雞味」的冰鮮雞，由周中師傅擔任代言人，並表示已向圈中好友艾威及呂有慧夫婦等送上雞隻。雖然從商，但他表示亦會兼顧演戲，身為香港電視旗下藝人的他透露已拍了兩部劇集：「對公司前景一向抱有希望，自己梗係想多啲角色發揮。（三級片都肯？）睇公司安排，如果係好劇本都唔介意。」