周秀娜舊愛陳偉成（Avis）與尹蓁晞（Yumi）經常在廚房玩煮飯仔，Yumi冧爆地大讚男友︰「有時我哋冇出去食飯，佢會煮啲簡單嘅餸畀我食，炒條菜整碟蛋咁，有時就會大家一齊煮，覺得好開心！」

Avis不介意做「廚房男」，與Yumi在廚房煮飯仔培養感情。

Yumi大讚男友廚藝冇得頂，未知人品係咪都係一樣呢？

日前，二人更到甜品店偷師，Avis繼續出招冧女友，不時餵對方食水果，而Yumi則大讚他的手勢「冇得頂」！Avis再次發表肉麻宣言︰「想食咩即管開聲，我有時間一定整畀你食，如果我唔識整，應該會走去學，再搵你做白老鼠！」積極打理生意的Avis表示，未有退出幕前的念頭︰「依家同Yumi都傾緊新公司，如果大家簽同一間都唔會介意，始終大家都愛幕前工作，除咗做模特兒都想拍多啲電影！」