Jessica C.師妹楊琳（Wiyona）不打算效法師姐以「警鐘胸」敲響名堂，決心努力練習泰拳做「打女」！剛回復單身的她，兼顧模特兒及時裝店工作，笑言生活充實，不心急拍拖！

Wiyona坦言工作太忙，冇時間拍拖。

外形充滿少女媚態的楊琳坦言生活太忙，冇時間拍拖。

作為JC師妹的 Wiyona（左）拒露事業線，反而苦練泰拳，為做「打女」作準備！

擁有標致面孔及Fit爆身材的楊琳，一舉手一投足充滿女性魅力，但原來骨子裏是個男仔頭，最令人難以置信的是她仍是單身！

男仔頭愛打Boxing

剛過去的聖誕節是Wiyona五年來第一個單身聖誕！跟相戀五年的男友分手的她說：「可能大家大個咗，諗法唔同，但我哋係好和平分手嘅！」問到回復單身後有否追求者，她即大呻：「冇呀！我都想呀！可能我太宅女，加上忙完舖頭又要忙工作！」問到追求者的數目，她以「唔係好多」來形容，但Wiyona直言不怕單身，因工作和上泰拳班已把她的生活排得密密麻麻。自言不會迎合模拋胸的她說：「佢哋Enjoy啦！佢哋有佢哋嘅Market！」又認為性感不一定要騷胸！外表嫵媚的她自爆是個「男仔頭」，最近更愛上Boxing，希望向「打女」進發！