模特兒蔡嘉寶（Akina）早前拍攝安全套廣告，戴上假髮扮演愛幻想的巨蟹座女生，她表示不尷尬，更認為概念有趣：「我又好耐冇扮Lolita，以前留齊蔭髮型就成日有呢類工作，再扮番感覺好得意！」

戴上假髮的Akina寓工作於娛樂，以萌Look吸睛。

化身緊張女友的Akina，在片中表示要生11個B，真誇張！

Akina在片中聽到男友提出越軌要求後，即緊張得不停說：「你想同我結婚？我想生夠11個BB，間房唔係粉紅色我唔要o架……」超長氣效果爆笑，獲不少網友大讚可愛又搞笑！Akina透露不少對白是她臨時爆肚的，幸獲導演接受，問到是否跟角色一樣喜歡BB又長氣？她說：「我係處女座，唔係特別鍾意小朋友，寧願養狗仔，但真係同個角色一樣咁長氣！」