主力Sell唱功兼靚樣的樂壇生力軍Gentlemen，成員包括郭仲添（Tim）、陳國靖（Angus）、黃迪（Dick）及朱尉然（Andy），他們繼聖誕單曲後，將於暑假推出全新專輯。談到入行經過，最遲加入的Dick笑言由攝影師轉行做歌手全靠個靚鼻，而曾任模特兒的Tim則稱靠「靚樣」入行，但二人同時強調熱愛唱歌，不會「得個樣」。

Tim（左起）、Andy、Dick及Angus賣靚聲之餘，亦靠靚樣突圍。

問到組隊至今曾面對甚麼困難？Andy自爆跟成員難以相處：「之前頂唔順Angus點餐好慢，佢好為食但又有選擇困難症，Tim就最鍾意講爛Gag。」