藝人吳彥祖（Daniel）榮升爸爸後，復出之作乃身兼監製及男主角的的新片《控制》，極重視此次製作的他為留資金做特技，寧自減酬勞，拍攝時又險遭車撞，非常搏命，難怪獲導演畢國智大讚是100分監製！

挑戰做監製的吳彥祖，不介意為作品減薪，專業又敬業！

對囡囡Raven極緊張的吳彥祖，望減產享受家庭樂。（資料圖片）

導演畢國智（右）既欣賞又力讚吳彥祖是100分監製。

首次自監自演電影《控制》的Daniel身兼兩職，為留更多資金做特技效果，他笑言兩份糧都有打折。他又表示拍攝時險生意外：「有車追住我，我要跑，一Cut我就停咗，但後面架四個輪嘅電單車未停，就撞埋嚟，佢哋叫我小心，我即刻避開咗先冇撞到我。」難怪導演畢國智大讚Daniel是100分監製：「100分！佢由頭跟到尾，前後3年！」

「一年一片」為湊女

戲中不乏動作場面，Daniel表示單是受傷的特技化妝便有九個層次，又笑指老婆Lisa S.每次在電影看到他被打都非常肉緊！他自稱生活簡單，不像戲中主角般有痛腳被人捉住，卻自爆現時最能「控制」他的是女兒Raven：「以前工作第一，愛情、友情擺喺後面，佢哋都知道同接受嘅，依家個女出咗世，我覺得我要保護佢，我好大責任，拍咗50幾部戲，有好多滿足感！但一個小朋友嘅成長，過咗就攞唔番，我要爭取。」為了女兒Raven，Daniel指會盡量減產至一年一部電影。