藝人高鈞賢（Matthew）一向是運動狂，熱愛籃球又愛玩冰上曲棍球，但早前受傷的他要永遠跟籃球講「Bye Bye」！事緣Matthew早前代表TVB參加傳媒盃籃球賽，卻不幸受傷令左腳斷筋，需停工休息三個月，他說：「其實右腳腳筋喺一年半前已經斷過，當時要成八個月先可以完全康復。」

「運動狂」高鈞賢因打籃球而斷腳筋，卻無減他對運動的熱愛。

高鈞賢因腳傷而停工三個月，慘！

Matthew康復後繼續打籃球及拍劇集《飛虎》，一直相安無事，比賽當日已做足熱身，前一晚亦有充足睡眠：「比賽嗰陣我隻左腳突然好似畀人好大力踩落去咁，我望一望身邊根本冇人，嗰種痛楚同斷右腳腳筋嗰時完全一樣，我都估今次又係斷同一個位置。」Matthew即日到醫院檢查，醫生指其左腳腳筋完全斷開，兩日後進行手術，目前他已休息兩個月，估計要一個月後才可復工。而為免家人擔心，Matthew已答應家人與籃球「分手」，笑言準備學高爾夫球滿足其「運動癮」！