無綫藝人黃建東（Derek）早前拍攝醫學節目《守護生命的故事》，飾演腦癇症（俗稱發羊吊）病人，這是他繼在劇集《忠奸人》飾演郭晉安的躁狂症弟弟後，再次飾演突破性角色。拍攝期間，導演為求逼真，要他在鏡頭前面容扭曲「發病」數次，他說：「個節目以紀錄片形式拍攝，為咗演出，我睇咗好多資料，雖然我只係演戲，但喺鏡頭前『發病』幾次都覺得好攰，可以想像現實中病人病發時有幾難受，希望大家唔好驚咗腦癇症病人，睇完個節目，以後就清楚點樣先可以幫到佢哋！」Derek又表示期待接演智障及殘障角色：「通常呢類角色會有更多發揮，我唔怕被定型o架！我想畀人睇到我作為演員嘅可塑性，咁可以藉住演出，令社會大眾對相關病人有更多了解，都係件好事吖！」

黃建東坦言要做好病人的角色不容易。

黃建東願意嘗試扮演不同角色，即使飾演的士司機依然冇難度。