女子組合HotCha成員張紋嘉（Crystal）平日外表斯斯文文，原來私底下表情多多，由於她一向有參演舞台劇，常要運用面部表情交戲，因此面部肌肉特別發達，而最耍家的便是「O嘴阿婆鬼臉」。她指早在讀大學時經常扮鬼嚇朋友，問到會否嚇走異性？她笑說：「唔好咁講，係幾得意，唔係醜樣嘅！」

Crystal最拿手扮「O嘴阿婆鬼臉」，十分嚇人。

Winkie將五官拉埋一舊，更自嘲似足魔鬼魚。

至於拍檔黎美言（Winkie）亦愛扮魔鬼，不過將五官拉埋一舊時，卻自嘲似足魔鬼魚。她稱每年萬聖節都會玩主題鬼屋，還會掹實男友人壯膽，問到平日萬聖節會否應節化鬼妝？她說：「我係會扮靚靚，唔會扮鬼，因為試過畫咗血漿上面畀人笑。」