何佩瑜（Jeana）昨日到旺角宣傳電影，但遲到半小時，令大批演員在場呆等她影大合照！姍姍來遲被噓爆，但她仍可即時攝正中間影大合照，展示一姐風範！

Jeana遲到半小時令全場呆等，甫到場即被噓爆。

陳柏宇被捉實手仔攬許亦妮，似乎略感尷尬。

谷盡事業線的許亦妮，頻頻Chok甫士搶鏡。

錢國偉見Jeana到場，即彈起身畀佢攝位！

《喜3》一眾演員乘坐開篷巴士宣傳，為電影造勢。

許亦妮、何佩瑜、郭穎兒（Celia K.）、陳柏宇、林德信及導演錢國偉等，昨日到旺角為電影《喜愛夜蒲3》造勢。Jeana遲到半小時，到場時引來一陣噓聲，但她若無其事地走到中間位置拍攝大合照，成功攝位搶鏡！事後，身穿透視裝的她解釋因塞車而遲到，感到不好意思，提到現場傳出噓聲，她說：「聽到，我接受，係我唔啱。（習慣成自然，成功攝位？）唔係，係跟公關指示企位咋！」

郭穎兒「讓賽」

提到早前醉酒失儀，她說：「真係好，可能因為太開心，發現醉咗可以咁可愛。（畀人影到錫？）Goodbye Kiss啫！」對於早前稱被非禮一事，她說：「當時我一手捉住個男仔隻手，成班保安圍住佢。佢想喊咁，我又唔想搞大，所以冇報警。女性喺夜場要分外小心。」

同場的許亦妮以低胸裝上陣，大晒三吋事業線搶鏡，但她否認刻意出位：「今日個個都好靚，覺得健康性感冇問題，依家冬天可以帶啲夏天感覺畀大家！」問到是否不會再與傳不和的夏尉喻同場？她說：「之前都有一齊謝票，不過私下真係唔熟。」至於身材同樣出眾的郭穎兒選擇「讓賽」，封胸到場，她自言身材不及許亦妮，因此只露出膊頭：「本身都輸蝕，天生嘅，一山還有一山高。」

此外，林德信透露母親有入場欣賞演出，問到有何評語？他說：「佢話我出場時唔夠精神，可能我嗰場戲開通宵啦！（床戲有咩意見？）佢又冇乜留意。（佢由細睇到你大？）唔係嘅，不過第一次睇到我咁『熱情』！」