田蕊妮孭飛的無綫劇《舌劍上的公堂》演員郭晉安、鄭俊弘（Fred）與王君馨等，昨日到尖沙咀宣傳，阿田因另有工作而缺席。安仔自爆聖誕外遊時，遇上「打仗」：「我哋去布吉玩，有晚酒店外面突然砰砰聲，好大聲，我以為打仗，後來望出窗，原來係放煙花，咁大個仔未試過咁近睇煙花，好浪漫，仔女因為玩到好攰，瞓晒覺，得番我同老婆慢慢欣賞。」他期望新劇收視理想：「2013年第一餐慶功飯係《老表，你好嘢！》，我想今年第一餐飯都有我份！」

安仔與王君馨在台上玩遊戲，相當搞笑。

獲大批Fans撐場的Fred成為風頭躉。

至於Fred則獲大批Fans撐場，有女Fans疑因未能與他同組玩遊戲而扁嘴，Fred表示將全情投入唱片工作：「完成埋新劇《牛頭愛搭馬嘴》後會停接劇，準備出碟，近日有睇樂壇頒獎禮，好想出席。（想攞獎？）就算坐台下感受氣氛都好開心。」