混血模特兒Cara G.早前與老公Jesper到泰國華欣舉行婚禮，婚後二人順道在當地旅遊數天，Cara說：「其實嗰次都唔算係度蜜月，我哋啲屋企人都有一齊，反而似係Family Trip多啲。不過都會有二人世界嘅時間，可以同老公拍吓拖，感覺好Sweet！」

喜愛游水的Cara G.當然要嚟個下水禮啦！

老公揸住「綿羊仔」載Cara G.遊泰國，令她冧爆！

Cara G.與老公Jesper十分恩愛，連影相都不忘咀嘴。

Cara G.又表示在華欣嘗盡泰國地道美食兼享受大自然風光，更坦言希望有機會再去過：「上次喺華欣留咗5日，都係享受吓陽光與海灘，同埋游水曬太陽Relax吓，又去咗附近嘅島仔玩，感受大自然嘅美。仲有食咗好多地道嘅美食，啲海鮮好新鮮、好味同好平！我好鍾意食泰國菜，喺嗰度幾乎餐餐都食到停唔到口，第時有機會要帶埋BB再去過！」