新進設計師馬天佑年紀輕輕，作品已受關注。喜歡音樂的他諗頭多多，將不同元素加入時裝，他已成立製作公司，希望推出大眾化自家品牌！

誰說年輕不能成大器？Kevin憑努力與設計天賦，短短數年已備受關注。

Baby年紀輕輕已事業有成，難怪Kevin大讚她是80後的榜樣。

格仔並非一成不變，看Kevin設計的裙就知道。

格仔頭巾是Kevin其中一件得意之作。

在Disco閃閃發光的波波，被Kevin融入作品中。

將音樂元素加入時裝，Kevin果然點子多。

2013《香港電影金像獎頒獎禮》場刊。

馬天佑（Kevin）是近年炙手可熱的星級形象指導，現年25歲的他出道短短數年已曾跟多位紅星如蕭亞軒、關心妍及何超蓮等合作，近期的大型Project如2014年的無綫月曆及2013年《金像獎》場刊和海報亦出自其手筆，他表示收到「金像獎」消息時「嚇死」：「我畀人感覺好鍾意玩，其實我鍾意做好認真嘅嘢，呢個機會嚟嘅時候我即刻『嘩！邊個睇到真正嘅我？』我諗係一個硬照攝影師CK提出先，佢係我嘅伯樂。」早前他在將軍澳舉行作品展覽，主題是「格仔x音樂」：「做咗3個禮拜，靈感來自格仔唔係淨只一塊格仔紋嘅布，我想諗遠啲，一張廁紙都可能有格仔元素。」

「焗住」愛上時裝

原來Kevin 5年前才接觸時裝：「本身好鍾意音樂，當初去英國讀書純粹想入一間好玩啲嘅學校，所以焗住入一間Fashion學校，但發覺原來Fashion都幾好，慢慢就開始鍾意。」他透露好友蕭亞軒是他最初的「靈感女神」:「佢係我兒時偶像！佢同我都係讀Fashion，但係佢音樂底子強啲，我哋都鍾意將兩樣嘢合埋一齊。」

雖然他從小喜愛音樂，但從來沒有想過做歌手：「鍾意同真係做係兩回事，如果呢刻覺得Fashion最表現到自己，我會放大呢樣嘢。」

已有一間製作公司的他希望公司更完整：「我唔會請好大年紀嘅人，因為想培養一班屬於我嘅團隊，想團隊再成熟啲，愈嚟愈大。」他開始計劃推出自家品牌：「我會設計好易着嘅Cut，但有High Fashion元素點綴，希望做啲好多人都着到嘅嘢。」他又認為每個熱愛Fashion的人一定要有一、兩件特別的「Hea衫褲」：「當你想舒服時就可以着，Hea得嚟又唔失禮，我依家最愛嘅Style係Slim Cut。」

讚Baby表表者

年紀輕輕已經成名的Kevin自覺比一般人幸運：「可能我付出嘅同其他人一樣，但係得到嘅注意大好多，所以我要好小心，Make Sure（要肯定）品質係好。」他表示希望80後能有表表者：「我覺得全港80後最好嘅榜樣係Angelababy（楊穎），佢咁細個已經做過咁多嘢，好成功！我想再做好啲，有自己嘅一套，畀更加多人睇到我做緊嘅嘢。」

基本營養

有人說莫札特5歲便懂得作曲，是天才。天分的確很重要，正如馬天佑，20歲才接觸時裝，短短5年已在時裝界佔一席位。當問到時裝對他而言是甚麼？他說：「食飯、營養囉！衫係必需品，冇可能一日唔着衫，正如每一日都要營養，當你每日食飯嘅時候，自然有人想食好嘢、有要求。」可謂「有了你即使平凡卻最重要」！