胡杏兒與陳煒昨日雙雙抱病拍新劇《醋娘子》，杏兒自認是病源：「我咳咗兩個幾月，試過偏方都冇效，應該係我做龍頭傳染畀陳煒。（財多身子弱？）係氣管比較弱！」她準備完成拍攝後放長假，與好姊妹胡定欣及胡蓓蔚等組「溝仔團」外遊，問有否準備泳裝吸異性，她說：「大家都怕曬！」

杏兒原來已咳了兩個月，要帶病開工。

而陳煒因工作繁忙，已近一個月沒休息，更指咳嗽影響唸對白，問到老公會否擔心，她說：「冇得擔心咁多！（有老公養唔使辛苦？）我半年做嘢半年休息，同老公兩個月冇見，佢開咗日本餐廳，我都未食過。」