何紫綸割瘤追求者送花膠

昨日《好報》獨家報道模特兒何紫綸（Ann）早前入院驗胸，意外發現子宮內有直徑達7厘米大的纖維瘤，需要入院開刀，幸好手術成功。她昨日回應時指事前有點擔心，不停看書找資料，而手術後經常見暈，現時出街也不能超過五小時，笑言似足「坐月」一樣。問到有冇男士乘機獻殷勤？她甜笑說：「係有人問候，仲送咗花膠畀我補身，聖誕唔係收花，係收花膠，但都幾好呀！依家身體要緊，以前太多壞習慣，飲食唔定時又夜瞓。（追求者有冇機會？）未知呀！希望OK」。