田蕊妮宴客老公阿澤埋單

「視后」田蕊妮前晚在灣仔花五位數宴請劇集《巨輪》的台前幕後，包括蕭正楠、陳展鵬、劉江及高層曾勵珍等。偕老公杜汶澤現身的阿田笑說：「要問佢借錢呀，叫佢埋單。」滿場飛招呼賓客的阿澤卻笑說：「唔係嘛！今晚諗住嚟食軟飯喎，田總請食飯梗係要嚟黐啦！但我埋單都得，冇一個獎會係一個人嘅功勞，請大家食飯係應該嘅。」問到送甚麼禮物給老婆？他說：「佢已經有最好嘅禮物啦！同TVB做嘢最緊要唔好斤斤計較，保持健康心態，劇本啱就拍，唔係會好痛苦，我就繼續喺經濟上支持佢，等佢無後顧之憂！」惟他對夫妻檔拍無綫劇耍手擰頭，廣告則可考慮。