蕭定一的娛樂公司前晚搞新年聚餐,並為新片舉行煞科宴,連詩雅、松岡李那及莊思敏等冒寒作性感打扮,卻不及王祖藍與魯芬一個深情「攬啜」搶鏡!

大騷纖腰的連詩雅與王祖藍,於新一年互相祝賀。

回味祖藍在戲中獻吻的魯芬,即場捉實對方嚟個Part 2,相信李亞男都冇眼睇!

李亞男

密密搵銀的王菀之,希望儲多些錢孝敬父母。

蕭定一率領王祖藍及連詩雅等演員出席新年聚餐及新片煞科宴,極具氣勢!

悉心打扮的莊思敏,冷不防被魯芬與祖藍的深情咀嘴搶鏡。

王菀之、王祖藍及魯芬等前晚出席電影《Delete愛人》煞科宴,以及老闆蕭定一的中國3D數碼娛樂公司新年聚餐,王祖藍和魯芬即場來個深情咀嘴,成功搶鏡,令一眾性感上陣的女星失色不少!

祖藍事後笑言魯芬對他「念念不忘」:「我當初主動要求喺戲中咀佢,依家冇可能呼之則來,揮之則去!(有冇同女友李亞男報案?)冇呀!我估佢知道之後嘅反應係『耶,我唔制』!」本月9日牛一的他透露當日會在浙江為中央台拍綜藝節目,之後與女友到日本拍TVB賀年戲:「到時先慶祝生日,兩個人一齊浪漫過,一齊浸吓溫泉。(順道求婚?)冇咁快!(一齊光脫脫浸溫泉?)冇咁快!冇咁快!」

王菀之播種過肥年

至於王菀之被問到今年是否過肥年時,她會錯意說:「好鍾意食年糕,亦都想食,但嚟緊好忙又要拍劇,所以要Keep Fit。」當記者指是「荷包」過肥年時,她尷尬笑言對「肥」字很敏感:「唔知呀!依家播種,希望有收成。(買樓?)要睇吓個年有幾肥喇!」

莊思敏則透露正洽談一部微電影並會親自執導,她希望能拍真人真事碎屍案,問到有否問緋聞導演男友葉念琛意見?她笑說:「有問晒在場所有人,今次一定碌爆人情卡!」