糖兄妹於除夕夜舉行跨年音樂會，成員黃山怡（糖妹）請來張惠雅（Regen）擔任嘉賓，相識逾十載的她們自嘲多年來身高不變，但勝在同屬「童姥」一族，而糖妹的新碟封套更疑因PS過度而驚變「童顏巨乳」！

糖妹在新碟封套中上圍Big爆，連糖兄都嘖嘖稱奇！

糖兄妹和HotCha不時同場，原來糖妹和Regen已相識了11年。

糖兄婚後榮升業主，糖妹（右）坦言羨慕，希望新一年能換間大屋！

組合糖兄妹日前趁除夕夜在旺角商場舉行跨年音樂會，糖妹請來同屬「娃娃臉」的Regen擔任嘉賓，原來兩人早於11年前結緣，更險成為女子組合出道，Regen說：「我哋當年參加歌唱比賽識，有人叫過我哋組成組合，最後因為讀書而冇簽到。當年14歲，依家我都25歲，雖然高度冇變過，但唔緊要，我哋個樣仲好細個！」而糖妹更打趣自封「童姥」，認真搞鬼！

效法糖兄買磚頭

提到新年願望，糖妹表示希望盡快買樓，近日常與榮升新業主的隊友潘雲峰（糖兄）大談「樓經」，她說：「2014年應該可以儲夠首期，目標係細屋搬大屋！」至於糖兄希望新一年香港和平，皆因感覺去年太多負能量，並計劃與老婆在年頭補度蜜月，問可會順道「造人」？他說：「順其自然，唔會唔想，但一年內都唔會住。」

糖兄妹一向會在除夕當日出唱片，今次亦不例外，封套上的糖妹一改以往的齊陰Look，上圍更疑似PS（Photoshop）過度而逼爆，糖妹笑說：「梗係唔係啦，係咁啱有風吹起，後面張相就冇咁勁o架喇!今次啲相去咗台灣影，隻碟係做慈善o架！」