o靚模組合冬甩火辣晒事業線，以性感造型拍攝月曆，並自爆即將入錄音室，推出新歌配辣舞，更希望與「Cool魔」張智霖及型爸吳彥祖拍MV，一圓歌手夢﹗

雖然曾經跳唱夢碎，但冬甩有機會再踩入樂壇，轉型做歌手。

Elke低胸又騷腰，拍攝現場即時升溫，寒冬都唔怕。

「Cool魔」張智霖咁型，難怪冬甩爭住與對方合作。

o靚模組合冬甩以性感抗寒冬，拍攝月曆時大晒火辣事業線，更打算推出限量版回饋粉絲。問到今年新動向，冬甩自爆近年不斷接Job登台練唱功，積極備戰多時，終於可以大派用場！隊長Elke透露將會錄音，現正由經理人選歌：「我哋個個都好鍾意唱歌，幾乎每次登台都會唱歌，有時又會約埋唱K，Biona仲係咪霸，成日爭咪唱！」

MV同男神嬉「戲」

本來行跳唱路線的冬甩，因效果未如理想，加上每年都有大批o靚模搶灘，令她們跳唱夢碎，惟有專心走模特兒路。不過皇天不負有心人，今次將有機會再踩入樂壇，問到冬甩對新歌的期望？她們即興奮表示最期待拍攝MV，當中KamKam及Loretta等更大想頭，想與「Cool魔」張智霖及型爸吳彥祖等靚男合作，而Elke則表示想與台灣男神盧廣仲拍MV。