寡言的林德信與「為食」的吳千語化身「夫妻檔」，在賀歲片《六福喜事》中合作。戲外似足歡喜冤家的兩人，合作後不停鬥嘴，互爆笑料！他們大談結婚生仔的計劃，千語更稱要男友林峯再等十年才願結婚。

林德信與吳千語在新片中飾演年輕夫妻，但只有錫面場面，並冇咀嘴的親熱戲份。

千語表示要男友林峯再等十年才願結婚。

吳千語與林德信在《六福喜事》飾演歡喜冤家。

林德信在片中陪千語入產房，生B時肉緊到七情上面！

藝人林德信（Alex）及吳千語宣傳賀歲新片《六福喜事》，問到飾演年輕夫妻，有否親熱情節？千語即緊張向男友林峯大派定心丸：「冇錫嘴呀！只係錫面，可以話係『零親熱』！」之後Alex笑言要投訴被千語「毒打」：「佢好入戲！生仔嗰幕打得我好大力！」而千語即出言還擊，大爆Alex為人古怪兼且是位「草食男」：「有次我喺片場問佢攞嘢食，之後佢竟然攞棵西芹同紅蘿蔔畀我！（佢似足草食男？）係！佢有啲奇怪！」

唔敢順產分娩

此外，兩人更「開金口」大談結婚生仔大計，千語更稱要男友林峯再苦等十年才結婚：「依家諗好早，我想30歲先結婚，咁計落仲有10年。（屆時約40歲嘅林峯等唔等得？）唔知，不過男人40幾歲（結婚）好正常。」她又大爆日後不敢順產：「我寧願剖腹生仔，因為我好驚（順產）會好痛！」

而Alex稱暫未計劃結婚生仔：「暫時唔想（結婚生仔），不過見到我妹妹個BB就覺得好得意！（羨慕妹妹？）係呀！我諗結婚生仔係件好開心嘅事。」