兩個年代的男演員任達華和陳偉霆（William），在電影首度合作已惺惺相惜，一向提攜後輩的華哥除特地點名要與William做訪問外，更大讚他能成為下任當家小生。William表示從華哥身上學到演技、人生觀及如何做個負責任的男人。

任達華（右）睇好William能成為下任當家小生，William則從華哥身上學到演技及如何做個負責任的男人。

華哥與William首度合作已惺惺相惜。

任達華

華哥因難抵寒冷天氣而患肺炎致肺積水。

任達華和William在電影《救火英雄》中首度碰頭已無話不談，兩位輩份不同的男人拋開身份，互視對方為老師。華哥笑言William經常在片場教他跳舞，William亦稱在華哥身上學到演技外及演員態度，印象最深刻的是華哥拿着一把萬能斧在煙囪上用全力不停拍打5分鐘：「導演入咗華哥個世界完全冇嗌Cut，去到最後華哥真係冇力都照打，做演員真係導演一日未嗌Cut都唔好停。」

華哥大讚William在香港電影圈青黃不接的年代，能成為下任當家小生：「我哋已經冇晒啲青瓜、蘋果，呢個係一個蘋果，新一代男演員冇幾個，希望大家睇完呢套戲會對佢另眼相看。」

經常演警察的任達華終能在從演38年後，突破自己作新嘗試，但笑言離不開紀律部隊，首次飾演消防員的他稱比演警察還辛苦得多：「係體力上嘅消耗，淨係一個氧氣樽已廿幾磅，而且日日都要喺個50幾60度嘅燒烤爐做嘢。」華哥指沒有因此減磅：「大家都不停飲水，冇晒啲脂肪，變咗水腫。」並笑言下次再任導演時可以消防做題材：「當個消防員遇到隻艷鬼唔知點，喺黑漆一片時有啲火光，個消防遇到鬼，又恐怖又好笑又好玩，可以係下一個題材。」

凍到肺炎致肺積水

早前因抵不過寒冷天氣而患肺炎致有肺積水的華哥笑說：「醫生話我生命力強壯，一星期就好番，但都同個女、老婆分居咗一個禮拜，囡囡一見番我時即刻要我抱佢，原來玩抱抱都真係幾好玩。」

而William透露拍攝此片十分辛苦：「我哋全部戴晒面罩可以用替身，但全部前輩親身上陣，我邊有資格開聲。」華哥解釋：「係個肢體語言唔同，替身同自己做係兩回事。」William又稱從華哥身上學懂如何做負責任的男人：「成日聽到啲前輩喺邊度置咗業，作為一個男人係要學嘅。（想學華哥做樓王？）呢個係全世界男人嘅目標。」他透露剛置了個物業，但笑住否認是跟女友蔡卓妍的愛巢。