藝人石修昨於銅鑼灣以代言人身份出席北京同仁堂產品分享會，戴黑超Chok住出場的修哥自爆除夕於北京拍劇冷病：「當時零下十一度凍到我失聲，之後我忍唔住同老婆講『我捱唔住喇』！」修哥又指自己及兒子陳宇琛會繼續留在香港電視，本月底更會重新拍劇集。談到黃日華疑鋪路返無綫，他說：「我冇見過佢，我都三進三出啦！」
石修戴黑超出席代言產品活動，Chok到爆。
