岑麗香昨日「賣大包」以性感造型出席超市開幕活動，Deep V之餘更大騷長腿。對於首次擔正做女主角的劇集收視未如理想，她力撐劇集搞笑兼好睇！

宅男女神岑麗香性感出席活動，迷倒不少男Fans。

魔術師作狀淋水在香香頭上，令她不禁花容失色。

岑麗香昨日冒着寒風以夏日Deep V裙出席超級市場《華潤萬家旗艦店》的開幕活動，席間她與魔術師玩遊戲又大展畫功，更「嘟嘴」與作品合照，盡顯其可愛的一面。談到這是她於2014年的首個活動，問到是否因酬勞豐厚所以特別「賣大包」，她笑言不懂回答：「我唔會問公司，通常都係過咗數先知。」

對於首次擔正的劇集《貓屎媽媽》收視平均只有23點，比起近期的劇集收視相對較低，對此她說：「播之前已經知係Holiday（假期）檔，好多人都話係正常，我聽番身邊同事講都話好睇。（但觀眾反應麻麻？）咁我就唔知，拍嘅時候都好開心。（會唔會失望？）依家先播到中段時間，希望大家多啲支持，個劇情都幾搞笑。」現正忙於拍攝古裝劇的她又說：「依家都將啲專注力放晒喺做戲，因為中文對我嚟講好有難度，想做好自己，依家唔會諗咁多嘢。」