這邊廂栢芝晒5卡鑽戒，那邊廂早前被《好報》率先報道暗撻謝霆鋒的Janice Man（JM），昨日亦在微博上載多張參加新年派對的照片晒戒指。在其中一張照片中，她低頭冧笑兼大晒手上兩隻戒指，網友即問她是否霆鋒送贈的禮物，嘴角含春的JM心情明顯大靚，雖然未有回應戒指是誰所贈，但留言：「新年快樂，祝大家新一年有好的開始！」認真風騷！

霆鋒期望新一年「感情好」，緋聞女友JM聽到肯定冧爆！

而栢芝前夫謝霆鋒最近忙於為英皇電影《救火英雄》作內地宣傳，問到新年願望？他表示希望新一年「事業也好、感情也好。」記者問是否有再婚對象？他即否認。此外，謝霆鋒的經理人霍汶希在微博上載了一張照片，相中的霆鋒親自炮製西班牙火腿歡度聖誕，當時應該正為兩名兒子炮製聖誕大餐，共享天倫之樂！至於謝賢昨日受訪時透露聖誕不在港，故沒有與Lucas及Quintus一起過。問到去了哪裏度假？他說：「秘密，唔想同你講。（除夕有同孫仔補祝？）我冇節日觀念，唔興呢啲嘢。（見過孫仔？）之前有，你知啦，我新抱好識做嘅！（孫仔送卡畀你？）我哋先冇咁俗氣！」