前晚舉行的《2013年度叱咤樂壇流行榜頒獎典禮》曲終人散,眾星為求突圍玩大變身,衣着品味高下立見。連詩雅未上台先落淚,自言看見鄭融領獎時已情緒激動,又表示要多謝前男友為她帶來的經歷,可惜其造型被Ricky Kwok大彈古怪:「唔掂!佢咁高咁瘦,着起呢類衫都出事,着肥咗佢,搞到成個人好似手榴彈咁!」

連詩雅的造型略嫌累贅,被狠批似足「手榴彈」。

林欣彤身形嬌小,層層疊的長裙似乎並不適合她。

Kary雖然以全黑造型上陣,但勝在夠高貴。

至於吳雨霏的全黑打扮則獲讚夠簡潔,髮型與妝容的配合是一絕,盡顯高貴;林欣彤的嬌小身形則難以撐起層層疊的裙款,感覺欠台型;而王菀之的造型則不過不失,Ricky Kwok說:「好靚又唔算,肉酸又唔係,白裙披Fur褸冇驚奇。」