周柏豪前晚奪男歌手銀獎時，在台上疑向圈外女友Stephanie示愛，除了講「我愛你」，更稱會努力「跑去終點」。不過冷靜過後的柏豪則敢做唔敢認，在慶功宴上依然兜圈不敢認戀情，他說：「個『你』字包括好多人，老闆、朋友、Stephanie鄭融啦！」幾經逼供後才態度軟化笑說：「都想多謝另一個Stephanie嘅，因為好多人我都愛！」

柏豪被追問戀情時不禁甜笑，不過仍堅稱與Stephanie是好朋友。

問到他所指的終點是否結婚？柏豪即大叫救命，卻甜蜜地說：「吓……結婚？結婚都好嘅！」不過仍堅稱與對方是好朋友，問是否等奪金獎才公開戀情時，他說：「冇打算做呢啲，頭先太開心一片空白，嗰個Moment淨係諗起佢。（默認戀情？）多謝吓啫，當然佢都重要先咁講。」

而西裝骨骨的柏豪更被星級造型師Ricky大讚夠潮魅：「平時潮服打扮嘅佢今次玩Waiter（侍應）造型，但一樣好睇，官仔骨骨好啱佢，冇出錯位！」