陳奕迅（Eason）在頒獎禮上做足全晚「黑面Son」，到慶功時終回復搞鬼本色，與歌手大合照時將「至尊唱片」獎座拋來拋去，最後跌了兩次獎，更跌崩獎座其中一角。受訪時Eason解釋並非心情欠佳而黑面：「我好平和，一平和個樣就黑。」又否認與老婆徐濠縈在除夕夜吵大鑊：「我哋好獨立，唔一定要一齊走。」他坦言曾因表現失準而不高興：「其實有啲悶，同期嗰啲楊千嬅、古巨基又唔喺度，後尾何韻詩坐喺隔籬好啲。」他又指彷彿失去做音樂的衝勁：「要搵番份幹勁。（生個仔？）呢啲雙方面嘅嘢，太強制唔得嘅。」

Eason將獎座拋來拋去，又放在頭頂！

獎座最後跌在地下，Eason立即將它拾起。