吳嘉龍（Carl）日前晚上約10時半，與全黑打扮的長髮女在中環搵食，沿途不時低頭密密傾，未幾進入該處一間餐廳醫肚。二人邊食邊傾，焚化爐Carl很快便掃清枱上食物埋單走人。

吳嘉龍與女伴邊行邊傾，狀甚投契。

步出後，他們原本並肩而行，期間Carl伸手想拖女伴，但女伴突然縮開，慘食檸檬的Carl有點冇癮，不時頭耷耷兼兩頭望，之後到酒吧搵朋友吹水，又逗對方的小狗玩，女伴則在旁邊等候。玩完小狗，Carl煲完煙冒着罰款1,500元，隨手將煙頭掉落地，然後與女伴入酒吧消遣。