演員任達華、衛詩雅及陳偉霆（William）等前晚為英皇電影《救火英雄》謝票，華哥透露戲中有不少危險場面，幸好比以前操得更弗，而太太亦想他減少拍動作場面，問到會否拍續集？他說：「唔知呀！都希望拍得成，之後會拍部好型嘅戲，會騷29吋腰。」

陳偉霆指現在事業上未做到最好，暫不考慮生B。

而提到女友蔡卓妍趁William不在港，獨自買聖誕裝飾上他家，William指不足為奇，因女友有個單位在他隔籬，自己家中則沒有裝飾，相信不是買給他。問到在微博上載咀B照，是否計劃造人？他否認：「未敢有呢個打算，等好似華哥咁有經濟基礎先可以無後顧之憂！」自爆近日榮升業主的他否認與女友築愛巢：「咁細！愛情唔係用呎計算。」

此外，近日與女友鍾舒漫（Sherman）頻晒恩愛的吳浩康（Deep），昨日出席《救火英雄》慈善優先場，問到Sherman有否讚他在片中很型？他說：「佢首映時睇過，要追問佢先話有！」Deep透露曾想過當消防員，問到有否報考時，他說：「冇呀！當時唔夠學歷，但我有嚴重畏高！（過山車都唔坐得？）會硬住頭皮坐！」