阿梅在音樂方面的最佳拍檔倫永亮（Anthony），多次擔任其演唱會音樂總監，十年前梅姐舉行最後的演唱會，Anthony一直陪伴左右，他憶述阿梅的身體狀況根本難以應付八場演出：「佢有兩、三晚發燒，每晚完場佢都同我講『又過到骨喇！』我好想佢抖多啲，但我明白佢想同所有歌迷、朋友Say Goodbye。」

阿梅最後的演唱會，獲「最佳拍檔」倫永亮一直陪伴。

梅姐穿婚紗、邊行樓梯邊唱《夕陽之歌》，一圓嫁給舞台的心願，成為永恒的經典，Anthony表示婚紗又長又重，令他看在眼裏只有心酸：「佢要行上30幾級樓梯，再喺紅館後台條旋轉樓梯慢慢行落嚟，成個過程要10分鐘，真係好佩服佢嘅敬業精神。」

而Anthony前晚擔任《第25屆CASH流行曲創作大賽》評判及表演嘉賓，提到阿梅的歌迷會有意在尖沙咀星光大道為阿梅豎立銅像，他指只要是為阿梅做的事都會支持，問到應用甚麼Pose打造阿梅銅像？他說：「我最鍾意《妖女》個造型，好Cool好冷艷！」常憶起阿梅的他日前便到志蓮淨苑「探望」她。