十年前的今天,一代巨星梅艷芳不敵癌魔,撒手塵寰。摯友劉培基至今仍午夜夢迴,夢醒以後,卻發現人去不返,惟有寄望阿梅在黃泉路上別再苦等,今生雖有緣無分,但總算回憶不斷。

阿梅十年前穿起婚紗、唱出「哪個看透我夢想是平淡」的心聲,教人動容。

「匆匆一世,深深一吻」,道出劉培基與阿梅深厚的情誼。

劉培基為阿梅創造了百變形象,但懷念故人的心從不變改。

阿梅生前摯友無數,其中更與倫永亮(右二)及劉培基(左一)相知在心。

十年前的今日,梅艷芳離開了我們,每逢這個傷感的日子,阿梅御用造型師兼摯友劉培基(Eddie)都會默默留在家中靜悼故人,雖然痛徹心扉,卻又欲哭無淚,他說:「畢竟我知道眼淚係冇用,失去咗就失去咗,眼淚係挽回唔到。」

夜夜「似是故人來」

這些年來,阿梅多次報夢給Eddie,但每每只是低頭無語;醒來之後,又發現是虛夢一場,教人難受,他說:「好多時喺夢裏面見到佢,佢總係伏喺我膊頭度,低頭冇乜點講嘢,就喺呢刻我會醒咗,佢喺夢入面個樣好安樂,但呢個夢困擾得我好厲害。」雖說「日有所思,夜有所夢」,但Eddie認為是阿梅掛念他,才會午夜入夢。

慨嘆「孤身走我路」

Eddie相信輪迴往生,預感阿梅未度奈河橋,正在黃泉路上等待重聚:「你(阿梅)已經往生淨土,十年唔係一個短嘅時間,如果人走咗之後有輪迴嘅話,你唔好等我,因為等係一件痛苦嘅事,下一世我哋可能唔會再遇上。唔好等Eddie哥哥喇!我驚我嚟到時搵唔到你,我會更失落,Eddie哥哥同你有今生,已經好幸運。」

阿梅一生多姿多采,Eddie最遺憾她死後引起爭產風波,加上阿梅臨終前始終未能遇上最愛,令他慨嘆:「佢喺戀愛入面犯咗一個最大嘅錯誤,就係愛得太深、太緊張、太稀罕,自己會變咗最冇價值。不過冇辦法,畢竟佢都係一個女仔,需要愛情,每一次勇於追尋幸福,遺憾最後都得唔到。」