靚女攝影師戴妮廷（Eydie）早前與友人到馬爾代夫旅行，一圓13歲時的夢想，她表示今次旅程是朋友送贈的聖誕禮物。Eydie在當地享受了四天的陽光與海灘，穿比堅尼大晒索爆身材，隱約可見近期大熱的人魚線，她說：「我唔知咩係人魚線，但我向來好注重腰嘅線條，所以我每晚臨瞓前都會做三十下Sit Up，已經持續咗五年。今次住嘅Villa私隱度好高，所以冇人見到我着比堅尼。（艷遇？）零艷遇，因為馬爾代夫係蜜月勝地，淨係見到好多情侶，個個着晒情侶裝。」

穿比堅尼的戴妮廷晒索爆身材，腰間隱約可見人魚線。

戴妮廷在馬爾代夫享受陽光與海灘。