榮升「最佳女配角」的江美儀昨日帶愛犬出席導盲犬活動，她笑言得獎後仍未有時間慶功：「會同《衝上雲霄II》兩個監製請幕後食飯。（男友冇同你慶祝？）佢自己都病咗，皮膚同氣管都唔舒服。」下月拍攝劇集《使徒行者》的她笑言被「易角」：「原本節目巡禮講我係做檢控官，後尾公司話唔想我成日做咁強嘅角色，變咗會做畀老公虐打得好犀利嘅弱女人。（男友咁錫你會好難投入？）都難，因為我咁強。」
江美儀攬實愛犬拍照，真係Sweet。
