鄭融前晚與舊同事欣賞天后容祖兒演唱會，她昨日出席活動時大方承認在後台遇見舊愛兼祖兒男友劉浩龍，首次三人同場的她坦言不尷尬。而坦承上圍「平平無奇」的吳雨霏則預告，下次可能谷胸上陣。

Kary笑言下次出席頒獎禮時可能谷胸上陣。

雖然被狠批腿粗，但Stephanie沒有不開心。

羅力威獲女粉絲送抱，真係巴閉。

梁漢文與小儀老友鬼鬼，合照時特別多甫士。

Shiga的歌曲打入二十強，令她信心大增。

鄭融（Stephanie）、連詩雅（Shiga）、吳雨霏（Kary）、周柏豪、羅力威及梁漢文等昨日出席歌曲拉票活動，對於容祖兒在微博留言表示想唱《16號愛人》給Stephanie聽，前晚到場欣賞祖兒演唱會的Stephanie說：「好吖。」她又承認在後台見到舊愛兼祖兒男友劉浩龍（師兄），三人首次同場，但Stephanie坦言不尷尬，問到有否三人合照時，她說：「唔啦！唔使啦！」

經一事長一智

由於她日前以穿窿牛仔褲出席新城頒獎禮，被星級造型師郭慶彬狠批肉酸兼露粗腿自暴其短，Stephanie坦言經一事長一智：「唔會唔開心，冇所謂，下次再諗啦！因為跳舞衫好難搵，要安全同活動自如。」

當晚以Deep V露「微波」示人的Kary亦被批，她說：「我一向冇乜（上圍），唔想太澎湃，都有好多人讚我着得好。（應該Push Up？）下次考慮吓。」對於有傳她被飛出「叱咤女歌手」三甲，Kary說：「入到五強已經好開心。（甘心輸畀薛凱琪同王菀之？）兩個都係朋友，佢哋攞都開心。」

唔驚坐冷板櫈

同場的Shiga則說：「好開心首歌可以打入最後二十強，真係冇諗過，因為今年放咗好多時間喺電影度。（有信心？）打多支強心針，信心大增。」問她是否擔心如去年般坐冷板櫈？Shiga說：「唔驚。」至於梁漢文與好友小儀擺甫士時顯得相當尷尬，他說：「因為張櫈問題搞到我對手唔知擺喺邊。（老婆見到扭耳仔？）唔會，我同小儀識咁耐又合作過，我同佢最合襯。」