前亞姐張家瑩早前到澳門捧開餐廳的朋友場，並首次在澳門欣賞時裝騷，她說：「呢次澳門之旅，除咗去朋友喺婆仔屋間餐廳，仲去咗《Macau Fashion Link》，欣賞咗好多葡萄牙同澳門設計師嘅作品！我好鍾意歐陸情調嘅物品，好欣賞澳門保留咗好多歐陸特色嘅建築物，不過，我最鍾意係捐窿捐罅搵好食嘅葡國菜！」

張家瑩覺得坐在老樟樹下會更開心。

張家瑩對澳門的香梘及精品情有獨鍾。

到澳門欣賞時裝騷，令張家瑩別具體會。

葡式建築是張家瑩必欣賞之景點。

「婆仔屋」位於澳門望德堂區，2003年經過翻新後，逐漸成為澳門文化創意空間。她對葡式建築及兩棵參天百年老樟樹情有獨鍾：「我朋友間餐廳喺大樹附近，我每次去都鍾意喺樹下面坐，我覺得棵樹好有靈氣，喺樹下坐完會開心啲！」

家瑩跟大多數女士一樣熱衷Shopping：「婆仔屋有間葡國特色精品店，有好多番梘、小精品，我成日都流連。間精品店有件以雞做主題嘅擺設，雞喺葡國好有代表性，當地好多地方都會見到同雞有關嘅擺設，喺婆仔屋見到呢隻，係我見過同類型藝術品中最靚嘅！」