《新城勁爆頒獎禮》前晚圓滿結束，眾星為求搶鏡皆悉心打扮，效果卻好壞參半。星級造型師Ricky Kwok（郭慶彬）坦言美感與騎呢只是一線之差，毫不留情力踩鄭融「好肉酸」，自暴其短：「佢身形夠嬌小，仲襯條爛牛仔褲，衰晒，令到佢粗腿無所遁形。」Ricky建議她改襯黑色貼身皮褲與黑色Ankle Boots，造型更好睇！

鄭融身形嬌小，穿爛牛仔褲暴露了腿粗的缺點。

吳雨霏低胸上陣，如果梳個All Back髮型會更潮。

潮穿西裝的周柏豪被讚是新一代的Fashion Icon。

至於身穿Marc Jacobs的吳雨霏銀色吊帶長裙與西裝褸的簡單乾淨配搭萬無一失，但若梳個All Back髮型會更有時尚美，及後更大讚穿Givenchy西裝的周柏豪是新一代的Fashion Icon，有樣又有身形：「西裝畀人感覺都好死板，但佢着得好潮！」