陳奕迅近年四出為巡迴演唱會走埠，日前被傳以兩億多元購入壽臣山獨立屋的他，前晚默認榮升業主並笑說：「鼻塞入面啲細菌就億億聲。」

陳奕迅在勁爆頒獎禮慶功宴上不停擺甫士，大搞氣氛。

吳浩康與女友Sherman孖住受訪，他更不排除秘婚。

掃獎的Kay開香檳慶祝，又說與老公同台不尷尬。

陳奕迅（Eason）、謝安琪（Kay）、官恩娜（Ella）、鍾舒漫（Sherman）及吳浩康等歌手前晚出席《恒生勁爆Music World新城勁爆頒獎禮2013》，大贏家Eason被問到是否購入逾兩億豪宅？他說：「呢樣嘢唔想討論，唔鍾意講私人嘢。（報道失實？）自己判斷。」被封為「億萬陳」的Eason還搞Gag說：「得o架喇，過咗去就算，我鼻塞入面啲細菌就億億聲。」他又否認與填詞人黃偉文（Wyman）因歌曲版權鬧不和，並說：「我哋係好朋友。」

吳浩康與女友Sherman受訪時，女方一副冧樣望實男友，並高呼：「好開心。」由於Sherman以性感造型示人，吳浩康強調不會干預女友的衣着：「唔想畀壓力佢，舊時唔識尊重。」兩人甜蜜恩愛，問到會否秘婚？吳浩康有所保留說：「呢刻唔敢講。」

Kay夫妻檔驚喜

至於慘被大會擺上枱的Kay坦言夫妻檔不尷尬，笑言老公張繼聰貪玩，對於老公被指不悅，Kay力撐：「唔係，我都唔知會做頒獎嘉賓。（介意？）冇乜太介意，都幾驚喜。」而首奪女歌手獎的Ella被問到如何慶祝？她說：「之前用咗六位數買咗閃令令嘅嘢。（鑽石梗係等男友送！）唔可以亂收，收咗就要收埋，通常結婚先會收鑽石。」