林峯和吳千語愛得高調，恍如中了「BB降」的林峯幾乎與千語BB形影不離。不過自「峯語戀」公開後，吳千語不時受到抨擊，林峯終在訪問中為女友來個大平反，指女友令他變成更好的男人，並指父母都催他早日迎娶千語BB，為林家繼後香燈。

林峯前晚出席勁爆頒獎禮勁歌熱舞，唔知之後有冇去女友千語個Party呢！

林峯自與吳千語拍拖後，經常發表愛的宣言，又不時帶女友環遊世界，而千語BB身上亦出現愈來愈多名牌，林峯愛得癡纏，吳千語卻被封為拜金女。林峯在今日播出的電台錄音訪問中再次為女友出頭，對於千語BB在他身上密密「吸金」和只是貪戀其財富的報道，林峯直斥無稽：「見到呢啲扭曲嘅報道有時真係好心痛同憤怒，事實同報道完全相反。」

林峯坦言認定千語BB就是終身伴侶，又冧爆表示對方改變了他：「同佢相處後我開朗咗，時刻充滿正能量。依家我好開心，從前我覺得自己好幼稚，除咗工作以外，唔太識得點生活。遇上佢令我認清自己，變成Better Man。」兩人年紀相距14歲，他指溝通上全無困難：「佢嘅思想比人哋想像仲要成熟，佢識好多嘢，例如佢依家有做電台節目，我覺得佢真係好適合做主持。」

深得父母寵愛

一直有指其父拒認吳千語做新抱，林峯力撐女友深得父母寵愛，更指父母催他盡快成家立室：「今次係第一次感受到家人嘅支持！我都應該諗吓呢回事，因為我好想自己嘅小朋友可以同我一齊踢波，亦明白作為長子嫡孫應該肩負起呢個責任。眼見身邊朋友都逐一結婚生小朋友，所以要努力。」