藝員黃宗澤（Bosco）最近掟400萬元於九龍城開高級Fusion餐廳「Oyster Mine 蠔礦」，並被《好報》拍得於舖內親自開蠔款待客人，一不留神鎅傷手指「見紅」，但Bosco喜見生意滿堂紅，完成手上劇集的他透露除夕會全力衝刺：「餐單係我特別研製，之前學過廚，又做過大牌檔、暑期工。（落手煮？）唔會，有廚師助陣。我哋攞咗酒牌，會特別為客人配啲白酒或紅酒。（同你一樣配自己出生年份嘅酒？）客人生日方面，難預咁多唔同年份嘅紅酒存放，呢個服務好貼心，睇吓遲啲可唔可行。」

Bosco到蠔吧親自落場招呼食客。

為客人開蠔時，Bosco不慎鎅傷手。