混血名模Ana R.與老公Brad婚後翌日即到南非展開蜜月之旅，他們入住建於國家野生公園內的Chitwa Chitwa，Ana說：「裏面有大象、鱷魚、河馬、犀牛、豹同埋獅子！Brad好鍾意獅子，想帶獅子散步，所以我要克服對獅子嘅恐懼。嗰日我哋帶咗隻6歲大獅子女同一隻6個月大嘅獅子仔散步，獅子嚇人得嚟其實都好靚，可以拖住佢哋散步覺得好奇妙。」而兩人首次玩空中滑索時，Ana站在離地40米高的起點時已腳震震，她說：「驚到差啲喊出嚟，唔敢踏出去，Brad就好開心推我出去，滑出去嗰刻我就愛上咗，嗰種速度同埋喺空中自由嘅感覺好美妙，好似喺空中飛翔咁！」刺激之外，兩人又在滿天星下食燭光晚餐，浪漫到暈。

空中滑索

陪獅子散步

Ana與夫婿到南非度蜜月，大晒錫錫溫馨「床照」。