姚嘉妮升呢老闆娘添「雙胞胎」

姚嘉妮（嘉嘉）老公林祖輝近日榮升童裝店老闆，與拍檔斥資七位數字連開兩店！升呢老闆娘的嘉嘉，日前帶一對子女林煦錡（Kyra）和林璟豪（Kyros）揀衫扮靚，問到會否追多個？嘉嘉說：「嘩！依家真係唔會住！啱啱開咗間舖，生咗『雙胞胎』，加埋呢兩個真係搞唔掂！」祖輝亦說：「我都唔想再生住，真係好忙，日日瞓得幾個鐘，但開舖後反應幾好，所以都覺得好滿足！」祖輝透露約在一年前，與拍檔有感童裝生意大有可為，又看好牛仔褲品牌Levis Kid，故決定引入香港，他揚言望明年開第三間，又透露送給客人的熊公仔是由無綫高層樂易玲兒子設計：「樂小姐都唔知，係佢囝囝送嘅畫，我哋用咗嚟做公仔！」