孖仔組合Soler近年少在香港樂壇與大家見面，今年他們決定回港正式做宣傳，讓樂迷知道他們的動向！曾重編徐小鳳金曲的他們表示，正嘗試重編王傑的經典歌，從中學習到不少新事物，認真活到老，學到老！

Soler「闊別」香港樂壇幾年，原來是去了內地和台灣發展。

Dino（左）和Julio今年在港宣傳，樂迷將會有更多機會和他們接觸！

Soler曾重編小鳳姐的經典歌曲，獲得好評。

每次講起孖仔組合Soler，腦海都必然想起他們的廣告歌：「大三巴、觀音像、媽閣廟景致真優美！」不過數數手指，Soler近年已沒有在香港樂壇與大家見面，所以今年決定返香港正式做宣傳，他們說：「之前都係集中喺內地同台灣兩地工作，其實我哋一直都喺香港，都有Keep住做音樂，點知愈嚟愈多人問我哋去咗邊，所以感覺好可惜！好似好多人都想我哋返嚟咁，所以我哋覺得依家係時候啦！」

重編小鳳姐飲歌

早年一對孖仔曾重編殿堂級歌手徐小鳳的《風的季節》，推出後反應甚佳，故他們再接再厲！Soler透露現階段正重編男歌手王傑的金曲《是否我真的一無所有》，他們表示每次重編別人歌曲的時候，都會學到不少新事物：「嚟緊我哋都會編其他人嘅歌，從中可以學習其他人嘅音樂，仲可以玩好多嘢！（你哋唱廣東歌會緊張？）喺內地都有唱，所以都唔會話緊張。」

初為人父能量爆燈

而細孖Dino早前初為人父，他自言心態轉變不少，表示囝囝帶給他很大的歡樂：「之前諗嘢唔會咁長遠，依家諗多咗！囝囝畀咗好多正能量我，感覺好開心！」